Pas disa sulmeve me raketa ruse, aleatët e Ukrainës që udhëhiqen nga NATO njoftuan dërgimin e armëve të avancuara të mbrojtjes ajrore në Kiev. Kjo dërgesë në kulmin e luftës u soll nga Britania e Madhe, Kanadaja, Franca dhe Holanda. Në të përfshihen raketa dhe radarë. Pak kohë më parë një premtim të ngjashëm bënë dhe Shtetet e Bashkuara të Amerikës. Një sistem i teknologjisë së lartë nga Gjermania është tashmë në Ukrainë.
Premtimet vijnë pasi aleatët e Ukrainës nga 50 vende takohen në selinë e NATO-s në Bruksel.
Kievi e përshëndeti samitin si “historik”. Disa orë më vonë granatimet ruse goditën qytetin jugor të Mykolaiv të enjten në mëngjes, thanë zyrtarët.
Kryetari i bashkisë së qytetit Oleksandr Senkevich tha se qyteti ishte “granatuar masivisht” rreth orës 01:00 me orën lokale (23:00 GMT).
Discussion about this post