Përfaqësuesit e Partisë së Serbëve në Kosovë kanë shkuar në zyrën e presidentes së Kosovës Vjosa Osmani. I pranishëm është dhe kryetari Aleksandar Jablanoviç.
Në takim janë edhe përfaqësuesit e komunitetit të boshnjakëve me në krye Duda Balje, Nenad Rashiq i partisë Demokratike Progresive, përfaqësues të LDK dhe Listës Guxo.
Ndërkohë përfaqësuesit e Listës Serbe mungojnë në këtë takim.
Lexo edhe: Arrestohet analisti i njohur në Kosovë, policia jep detajet
Takimi vjen dy javë pasi qeveria e Kosovës nisi zbatimin e planit të saj prej tri fazash. Për riregjistrimin e makinave që kanë targa të lëshuara nga Serbia.
Plani i Qeverisë është që të gjitha makinat me targa serbe të konvertohen në targa RKS, Republika e Kosovës, deri më 21 prill të vitit 2023.
Faza e parë parashikon lëshimin e qortimeve për drejtuesit e automjeteve me targa serbe. Faza e dytë nis më 21 nëntor dhe parasheh gjobë prej 150 eurosh për këta shoferë.
Faza e tretë përfshin përdorimin e targave provuese, ndërkaq pas 21 prillit, Qeveria e Kosovës ka thënë se do të lejohen të qarkullojnë vetëm makinat me targa RKS.
Discussion about this post