Cristiano Ronaldo dhe e dashura e tij Georgina shfaqen çdo ditë në faqet e para të të përditshmeve sportive në të gjithë botën.
Ndonëse disa tabloide nga Anglia shkruajnë prej ditësh se lidhja e tyre është në krizën më të madhe në gjashtë vitet e fundit, lind pyetja, a është vërtet kështu? Dyshohet se Cristiano Ronaldo është zemëruar me të zgjedhuren e tij, Georgina Rodriguez, për shkak të arrogancës dhe shpenzimeve të tepërta. Të vërtetën e dinë vetëm ata të dy.
Marrëdhënia mes futbollistit të PSG-së, Ashraf Hakimi dhe bashkëshortes së tij Hibi Abouk, e cila kërkon 50 për qind të pasurisë së tij për divorc, i detyroi gazetarët nga Portugalia të merren me një skenar të ngjashëm lidhur me Ronaldon dhe Georgina.
Marokeni i transferoi të gjitha paratë e tij në llogarinë e nënës së tij Saida Mouh, kështu që aktorja mbeti duarbosh. Tashmë Hakimi është nën kritikat e mediave, pasi shumë pyesin pse ai sillet në këtë mënyrë ndaj një gruaje që është nëna e fëmijëve të tyre. Mesa duket avokatët e tyre do të takohen për një zgjidhje jashtëgjyqësore. Hibi kërkon 10.000.000 euro, kurse Hakimi do që t’i japë pesë herë më pak.
Nga ana tjetër, mediat portugeze shkruajnë se Georgina Rodriguez do të merrte më shumë se 35 për qind të pasurisë së Cristiano Ronaldos nëse ndahej me portugezin. Sipas raportimeve jo të konfirmuara zyrtarisht, pasuria e CR7 vlerësohet në më shumë se një miliard euro.
Në atë rast, Georgina do të merrte më shumë se 350.000.000 euro. Nuk duhet harruar se spanjollja është nënë e dy fëmijëve që ka nga lidhja me Cristiano Ronaldon.
Pretendohet se Cristiano prej disa kohësh është i pakënaqur që Georgina vendosi të fokusohej vetëm tek vetja dhe biznesi i saj, duke lënë pas dore atë dhe fëmijët. Ai është veçanërisht i frustruar nga shpenzimet e saj të mëdha të parave kur shkon në pazar.
Discussion about this post