Java e 10të e Premier Ligës Angleze nisi me surpriza, ku Crystal Palace udhëtoi në transfertë për tu përballur me Manchester City në Ettihad Stadium.
Miqtë arritën golin e avantazhit që në minutën e 6’ me Zaha, që duke e gjetur të papërgatitur mbrojten e Guardiolës arrijnë të tundin rrjetën e Ederson, duke fiksuar rezultatin e pjesës së parë në 1-0.
Menjëherë pas pësimit të goli të parë ndeshja do të tensionohej për City-n ku në minutat shtesë nuk do të mungonin kartonat për Silvan dhe Ederson, por edhe për Laporte, ku për këtë të fundit u akordua i kuq, duke e lënë skuadrën me 10të lojtarë.
Fillimi i pjesës së dytë i gjeti vendasit të mobilizuar për përmbysjen e situatës, ku në minutën e 60’ arrijnë të tundin rrjetën kundërshtare me golin e Gabriel Jesus, por sistemi VAR e konsideron të pavlefshëm, duke i lënë shifrat të pandryshuara.
Crystal Palace në minutat e fundit të takimit tregon sërisht se goli i parë nuk ishte një rastësi ku duke përfituar nga një kundërsulm i Gallangeher, që deporton mbrojtjen e City-t, për të tundur rrjetën e Ederson, me shifrat finale të takimit që shkojnë në 2-0 në favor të miqve.
Me përfundimin e takimit, Crystal Palace arrin të ‘rrëmbejë’ tre pikë të arta nga kjo përballje, duke u ngjitur në pozitën e 13të të Premier Ligës angleze, ndërsa Manchester City mbetet në pozitën e tretë, menjëherë pas Liverpool.
