Ministri i Brendshëm, Bledi Çuçi, ka menduar të blejë këpucë të reja për forcat e Gardës së Republikës. Për këtë në 26 prill Agjencia Shtetërore e Prokurimeve të Përqendruara ka hapur një tender me objekt “Blerje këpucë për Gardën e Republikës” me vlerë 300 milionë lekë.
Sipas të dhënave të tenderit do të blihen 3100 palë këpucë si në foton më poshtë, ku për një palë këpucë të shpenzohen rreth 96 mijë lekë.
Kjo është një vlerë e lartë vetëm për të blerë këpucë. Mbase Çuçi pretendon se do i marrë në cilësi të mirë. Por, tenderi çalon në shumë pika të tjera, për të cilat është denoncuar në KPP.
Denoncimi është bërë nga “Armand Sinani” PF, i cili pretendon se kriteret e vendosura nga Autoriteti Kontraktor janë diskriminuese, të hartuara për një operatorët të posaçëm. Dhe përveç kësaj ai pretendon se kriteret nuk përputhen me objektin e kontratës dhe kërkojnë fonde shtesë, por nuk garantojnë cilësinë.
Ankesa është bërë më datë 8 qershor, ndërsa pritet vendimi i KPP mbi këtë tender. Duke shpresuar që do të analizojë edhe këto detajet për shpenzimet që kanë shumë rëndësi në një prokurim publik.
120 milionë lekë këpucë në 2019
Çuçi pretendon të blejë 300 milionë lekë këpucë për të mbathur Gardën, por shqiptarët që derdhin taksat, duan të dinë çfarë u bë me këpucët që u blenë në fund të vitit 2019. Për 3 vjet të gjitha këpucët paskan dalë jashtë përdorimi?
Sepse në atë vit Ministria e Brendshme zhvilloi tenderin me vlerë 120 milionë lekë për të blerë 2200 palë këpucë.
Në atë tender specifikohej që për një palë këpucë janë shpenzuar 25,450 lekë.
Tani shohim që Çuçi ka rritur numrin e këpucëve që do të blejë por edhe çmimin për njësi. Tenderi asaj kohe është mbyllur pa garë fare dhe i është dhuruar Blerina Sadikut.
Edhe këtë herë Ministria duket se po ndjek të njëjtën linjë abuzimi, pro ka shtuar përfitimet.
Lexo edhe: Gara e 15 MLD lekëve për lavanterinë e QSUT përplas Çuçin dhe Ficon
Discussion about this post