Ministri Bledi Çuçi ka ngritur alarmin sa i përket gjendjeve financiare të bashkive në takimin qëpo zhvillohet sot për performancën e vendorëve. Edhe pse kujtojmë se ka qenë ai një nga personat e qeverisë Rama, i cili kurdisi këtë reformë të re për ndarjet administrative. Gjatë fjalës së tij ai tha se, disa bashki kanë rritur detyrimet e prapambetura dhe janë drejtë falimentimit. Sakaq, ai tha se kjo gjendje kritike nuk ka justifikime, pasi ka të tjera që e kanë zëruar borxhin
“Janë bërë 7 vite që nga harta e re territoriale. Reforma territoriale dhe decentralizimi kanë qenë 2 nga politikat më të rëndësishme që qeveria jonë i ka kushtuar vëmendje. Kemi krijuar një legjislacion, në këto 7 vite bashkitë mbledhin më shumë të ardhura nga taksat vendore. Transferta është rritur në mënyrë progresive. Nga njëra anë do të vijojë mbështetja dhe partneriteti nga qeveria. Këtu kur krahasohet bashki më bashki është ndryshe. Sot kam kënaqësi të shpreh vullnetin e qeverisë. Kemi realitete të ndryshme nga bashkia në bashki, disa e thellojnë borxhin, nuk ka justifikim, kemi modele bashkish që e kanë 0 borxhin, e kemi bashki që e kanë thelluar e që janë në prag falimentimit. Nuk ka justifikim që nuk kemi mundësi që të shlyejmë borxhin”, tha ministri, ndërsa iu kërkoi kryebashkiakëve të jenë më të përgjegjshëm në punën e tyre dhe të marrin menjëherë masa për të frenuar rritjen e borxhit.
Discussion about this post