Çudirat e Krifcës, shpenzon 120 MLN lekë për të numëruar ullinjtë

Frida Krifca përveç si ministre e Bujqësisë njihet edhe si ministrja e “çudirave” për shkak të projekteve nga më të çuditshmit që ka prezantuar. Këtë herë ajo ka vendosur të numërojë rrënjët e ullinjve. Për këtë me datë 2 maj Qendra e Transferimit të Teknologjive Bujqësore-Fushë Krujë, nën varësin e Ministrisë së Bujqësisë, ka hapur një tender me vlerë 120 milionë lekë.

Bëhet fjalë për prokurimin me objekt “Studim fushor për identifikimin, regjistrimin dhe dixhitalizimin e 7000 njësive të reja ulliri”. Krifca ka dashur tre tregojë se ka financuar mbjelljen e rrënjëve të reja ulliri dhe tani i duhet t’i regjistrojë.

Në fakt nëse këto pemë janë mbjellë me financimin e ministrisë, regjistrimi i tyre bëhet paraprakisht për të përllogaritur fondin. Gjithashtu, fermerët prej kohësh kanë bërë numërimin dhe raportimin e çdo rrënje ulliri.

Fermerët nuk kanë shpenzuar kaq shumë para për të numëruar rrënjët e ullirit dhe për t’i raportuar ato, ndryshe do kishin falimentuar.

Por, të merrej për bazë e të kishin shpenzuar, kaq shumë sa po shpenzon Krifca.

Në dokumentet e tenderit thuhet se fituesi do të shpallet me datë 18 maj, 4 ditë pas zgjedhjeve vendore. Nuk dihet se kush janë firmat që kanë shprehu interes deri më tani, por duhet të jenë shumë. Sepse fituesi ka për të qenë me fat që do të marrë këtë tender. Sepse është një nga projektet më absurde për të cilin po shpenzohet një vlerë e konsiderueshme. Ai do numëroj për gjashtë muaj rrënjët e ulliri dhe pa u lodhur fare do të përfitojë 120 milionëshin.

Këto para Krifca më mirë t’i kishte akorduar për ndonjë fermerë i cili akoma nuk përfituar nga skemat ndihmëse, sepse në fshatin e tij nuk punon interneti për të bërë aplikimin.

Lexo edhe: Këshilla e ministres Krifca: Mbillni grurë në pranverë!

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.