Ministrja e Bujqësisë dhe Zhvillimit Rural, Frida Krifca, ka takuar fermerë të prodhimit të grurit në Katundin e Ri, Durrës, të cilët folën për prodhimin dhe pritshmëritë e shitjes. Takimi u mbajt në një fermë të një shoqërie të bashkimit bujqësor që prodhon grurë në më shumë se 90 hektarë, ku 15 fermerë prodhojnë secili në tokat e veta dhe e shesin produktin së bashku.
Ministrja Krifca njihet për “perlat” që ka lëshuar, siç ishte ajo e akademisë së barinjve, kësaj radhe ajo u ka kërkuar fermerëve të mbjellin në pranverë sa më shumë grur, ndërkohë që gruri mbillet në vjeshtë.
“Ne jemi importues për një pjese te nevojave tona te grurit. Aktualisht nga Rusia nuk mund të importojmë më. Unë kam takuar përpunuesit e grurit në vend për të kuptuar a do të kemi problematika dhe ata më kanë siguruar se në rast problematikisht kanë çdo mundësi për t’u orientuar në tregje të reja. Kjo sigurisht është një mundësi për prodhuesit vendorë që të fokusohen te gruri, kështu që përpunuesit të mund të marrin grurin, elbin dhe misrin e prodhuar në vend, që tashmë vjen me një cilësi gjithnjë e më të mirë” – u shpreh Krifca.
Ministrja edhe kësaj radhe u premtoi me ‘do të’, ku tha se do të hartojë politika mbështetëse, për fermerët në mënyrë që prodhimet bujqësore në shqiptare të konkurrojnë ato të rajonit në cilësi dhe çmim.
Derisa ministrja të hartojë politikat e saj në mënyrë që fermerët tanë të konkurrojnë me rajonin, ne nuk na mbetet gjë tjetër veçse të shpresojmë që Ukraina dhe Rusia ta mbyllin sa më shpejt luftën mes tyre, sepse çmimi i miellit po rritet.
Discussion about this post