Kreu i Urgjencës Kombëtare, Skënder Brataj, ka dhënë sot deklaratën më të çuditshme në lidhje me kritikat që iu bënë Ministrisë së Shëndetësisë, e cila lejoji që stadiumi të tejmbushje në ndeshjen Poloni- Shqipëri.
Epidemiolog të ndryshëm e konsideruan si një veprim të rrezikshëm këtë, pasi tifozëve nuk iu kërkua as certifikatë vaksinimi dhe as test anti-covid, ndërsa për studentët mbetet ultimatum fakti që nuk do të pranohen në auditorë të pavaksinuar.
Ndaj këtyre kritikave Brataj tha se 22 mijë tifozë janë më pak rrezik për shkak se kanë ndenjur një kohë më të shkurtër në stadium në raport me orët që rijnë studentët në klasa.
“Në stadium ndodhi e njëjta gjë që u bë edhe në Europian dhe rezultati janë parë pas disa javësh. Masat janë në fuqi. Nuk u hoq vendimi. Le të përgjigjet kush nuk e zbaton. Unë jam ekspert. 22 mijë persona që rrinë 1 orë e gjysmë ndërsa studentët do të rrinë 9 muaj. Koha e ekspozimit më e gjatë dhe objekti i grumbullimit. Jetojmë akoma në pandemi dhe po logjikojmë sikur ka kaluar çdo gjë.
Objektivi është mbrojtja e shëndetit. Nuk ka fushë të jetës që nuk është prekur në këto dy vite. Ka pasur më shumë të dëmtuar se disa të tjerë. Nuk e vë dot peshoren që të jetë e barabartë. Universitet ndryshojnë nga gjimnazi për shkak për diferencës ligjore. Unë do e hapja mundësinë e vaksinimit edhe nën moshat 18-vjeç. Jo me detyrim por në varësi të dëshirës”, u shpreh ai.
Brataj u ndal edhe te sensibilizimi i qytetarëve për vaksinën dhe akuzat për efektet e saj anësore duke i cilësuar ato teori absurde.
