Deputetja e Partisë Demokratikë Dhurata Çupi e ka konsideruar nismën për 530 kredi për shtëpi pa interes për administratën, si praktikë anti-demokratike e cila do të ndikojë në besueshmërinë ndaj zgjedhjeve.
Në një postim në rrjetet sociale, Çupi shtruan se vendimi i qeverisë është një shkelje flagrante të rregullave për garë të barabartë në zgjedhje, ndërsa shton se paratë për interesin e kredive do të paguhen nga qytetarët, pasi janë para publike.
Çupi kërkoi reagimin e institucioneve përgjegjëse, ndërsa akuzoi Komisionin Qendror të Zgjedhjeve dhe Prokurorinë e Posaçme se po heshtin duke përkeqësuar edhe më tej situatën.
Postimi i plotë:
Heshtja nuk zgjidh, përkeqëson!
Vendimi i fundit i qeverisë për të trajtuar me kredi pa interes qindra punonjës të administratës përbën një shkelje flagrante të rregullave për garë të barabartë në zgjedhje. Interesi për 530 kredi për shtëpi nuk do të paguhet as nga xhepi i Edi Ramës, as nga xhepi i Blendi Gonxhes. Ato janë para publike, që po përdoren para zgjedhjeve.
Institucionet që duhet të ishin më aktivë gjatë kësaj periudhe zgjedhore për të kundërshtuar aktet elektorale të qeverisë heshtin.
KQZ bën sikur nuk shikon.
SPAK bën sikur nuk kupton.
Ligji dhe barazia zgjedhore po grisen para syve të shqiptarëve dhe partnerëve tanë, duke dëmtuar pozicionin e Shqipërisë në negociatat për anëtarësim në Bashkimin Europian.
Të tilla praktika antidemokratike, që janë bërë të zakonshme për këtë qeveri, kanë minuar besimin e qytetarëve tek zgjedhjet, prandaj është koha që institucionet të mos bëhen palë me shkeljet e ligjit, por të reagojnë dhe të tregojnë së ligji zbatohet njësoj për të gjithë!
Discussion about this post