Zëvendëskryeministri i Serbisë, Ivica Daçiç pas mbledhjes së Byrosë për Koordinimin e Punës së Shërbimeve të Sigurisë ka thënë se gjendja atje është e qëndrueshme.
Mediumi serb Kosovo-Online ka raportuar se Daçiç deklaroi që Byroja përkrah procesin e negociatave me Kosovën.
“Detyra jonë është të shqyrtojmë situatën dhe si të mundësojmë sigurinë e brendshme dhe stabilitetin e vendit, të ruajmë paqen.
Në këtë kuptim, konkluzioni ynë është se situata aktuale e sigurisë në Serbi është e qëndrueshme, por se sektori i sigurisë do të vazhdojë të punojë në përputhje me kompetencat e saj, në ruajtjen e paqes dhe stabilitetit në vend dhe sigurinë e qytetarëve të Serbisë.” – ka thënë ai.
Më tej, Daçiç citohet të ketë thënë: “Ne japim shumë mbështetje kur është fjala për procesin e negociatave me institucionet e përkohshme në Prishtinë”.
Nuk dihen ende detaje Brenda këtyre takimeve, megjithatë, dihet se palët do të diskutojnë për planin e zbatimit të propozimit evropian.
Më 27 shkurt, në takimin paraprak Kosova dhe Serbia u pajtuan me planin që tashmë është bërë publik dhe përmban gjithsej 11 pika.
Mes tyre, në pikën 10 flitet për çështjen e marrëveshjeve e ku Kosova po ashtu zotohet që t’i respektojë të gjitha, duke përfshirë edhe atë të Asociacionit.
Ndërkaq, nuk dihet nëse BE-ja do ta bëjë publik edhe aneksin e zbatimit, megjithëse, kanë paralajmëruar se një gjë e tillë do të ndodhë shumë shpejt.
Discussion about this post