Daily Mail: Shqiptarët vijnë me gomone në Britani, të afërmit i presin me “Range Rover”

Emigrantët shqiptarë që shkojnë me gomone në Britaninë e Madhe janë bërë prej disa javësh subjekt i debatit publik në vend. Media britanike, Daily Mail shkruan se emigrantët të vendosur në hotele, pasi kalojnë Kanalin, merren nga të afërmit brenda disa orësh. Ata kanë kryer investigime në hotelin Croën Plaza pranë aeroportit Heathroë, duke zbuluar se shqiptarët merren nga të afërm që kanë mjete luksoze.

Hoteli, i cili ka një palestër dhe pishinë, është i mbushur tërësisht nga emigrantët që kanë kaluar Kanalin me varka të vogla.

Të premten, Sadik Mura, një biznesmen shqiptar me qendër në Ëigston, Leicester, mbërriti për të marrë dy kushërinjtë e tij nga hoteli me 465 dhoma, i cili dikur paguante 150 £ për natë për një dhomë standarde përpara se të fillonte të përdorej për të strehuar azilkërkuesit.

Lexo edhe: Analiza në median britanike: Qeveria Rama e korruptuar, njerëzit po ikin

Të afërmit e tij, gruaja 29 vjeç dhe një djalë 15 vjeç, kishin mbërritur me një avion nga baza ajrore Manston në Kent, pasi kishin kaluar Kanalin tre javë më parë.

Mura, i cili kishte një Range Rover me vlerë rreth 80,000 £, tha: Sigurisht, hoteli më ka lejuar ta bëj, prandaj po i marr”.

Gjatë gjithë ditës, automjetet mbërrijnë para Croën Plaza dhe emigrantët shqiptarë merren nga ato. Javën e kaluar, një zyrtar i Home Office zbuloi se shqiptarët që çohen në hotele zakonisht zhduken për t’u bashkuar me bandat kriminale dhe hotelet ku ata mbahen nuk kanë asnjë pengesë sigurie për t’i ndaluar ata të arratisen.

Mediat britanike kanë intervistuar persona të cilët ankohen për dhunë dhe drogë. Ihsan Abdul Karim, një kurd i Irakut, i cili ka qenë në hotel për gati një muaj, tha: “Shqiptarët po shesin drogë brenda. Mes tyre ka edhe zënka”.

Ky reportazh vjen pas deklaratave për emigrantët shqiptarë. Ata janë tema kryesore e mediave britanike ditët e fundit, gjë që ka sjellë dhe një përplasje të ashpër mes kryeministrit Edi Rama dhe Sekretares së Brendshme Britanike, Suella Braverman. Ajo tha vetëm pak ditë më parë se shqiptarët po sillnin kriminalitet në Britani dhe se duheshin larguar sa më shpejt nga vendi. Ndërsa Rama theksoi se nuk mund ta toleronte reagimin e Braverman, të cilin e si një sjellje që ushqen ksenofobinë.