Nga dita e nesërme Daimler AG do të riemërohet zyrtarisht dhe do të quhet “Mercedes -Benz Group AG”, në një lëvizje që synon zhbllokimin e dinamikës së aksioneve të kompanisë.
Ky ndryshim është i fundit në një seri riorganizimesh strukturore për industrinë e automobilave që filloi si Daimler-Benz AG në 1926.
Marka “Mercedes” është pjesa më e rëndësishme e kompanisë dhe për shkak të kësaj besohet se mund të zhbllokojë të gjithë dinamikën e aksioneve të kompanisë.
“Ne kemi një mundësi reale për të shumëfishuar vlerën e kompanisë”, bëri me dije CEO i kompanisë , Ola Kaellenius , pak ditë më parë.
Objektivi i vendosur për vlerën e kompanisë nuk është bërë i ditur por vlen të kujtohet se për momentin vlerësimi i kompanisë është pak më pak se 77 miliardë euro.
Discussion about this post