Dinamo ka shkaktuar befasinë më të madhe në këtë javë të parë të Abissnet Superiore. Të besuarit e Ilir Dajës humbën befasisht në “Elbasan Arena” me shifrat 0 – 1 kundër Vorës. Pas ndeshjes, foli për mediat trajneri Daja nga kampi i dinamovitëve:
“Kam qenë që me ndeshjen me Pafosin pa qejf, jam me raport (qesh). Nuk mundemi të përgatisim për një javë 3 ndeshje dhe kur kthehehemi nga ajo në Qipro, 4 ndeshje për 9 ditë.
E kishim të detyrueshëm rotacionin. Pjesa më e madhe janë lojtarë të formacionit të dytë. Kështu që ishim koshient për këtë llojë gjëje. Vetëm nesër na mbetet një seancë stërvitore.
Dueli me Pafos kalon çdo pritshmëri. Sot i miksuam të dyja ndeshjet, sepse nuk kem se çfarë të bëjmë. Sot në përgjithësi ndikoi gjithçka. Kur luan me formacion të dytë…
Një formacion që nuk ka luajtur asnjëherë bashkë. U provuam. Në pamundësi të startonim me Ismailin, ku mund ta çonim me duart tona drejt dëmtimeve serioze. Nëse e shtrijmë gjatë 90 minutave, kishim edhe ne shanset tona, pavarësisht çedimit.
Nëse do kishim shënuar me Farukun në fillimin e pjesës së dytë, mund të përballeshim me një rival që do hapej, ku do të bënte tranzicione. Kur i mikson ndeshjet, në fund fare bëhet një çorbë.
Mund të zgjdhej vetëm me episode. I patëm, por nuk i zgjidhëm. Mungesa e Qardakut ndikoi, sikurse Malomo për shkak të problemeve me shëndetin. Mungoi çifti Dita-Aliji, ata nuk luajtën bashkë.
Kemi bërë gjithçka që mundemi në këtë moment që jemi. Këto llojë rotacione kaq të mëdhaja nuk i shërbejnë më manovrës, por të kapim çfarë të kapim. Mund të na ishte kursyer kjo ndeshje. Gjithsesi pranojmë verdiktin dhe të vazhdojmë përpara”.
Discussion about this post