Këtë të dielë në orën 16:45 Partizani do të presë Egnatian për javën e shtatë të Superligës në ‘Air Albania.
E ndërsa trajneri Ilir Daja është i pezulluar, në konferencë për mediat në prag të kësaj sfide ka dalë zëvendës tekniku Renaldo Kalari.
Duke folur për situatën psikologjike të ekipit, e cila ka theksuar se është normale që të jetë e rënduar.
“Aspekti psikologjik? Dihet se pas humbjes në derbi, aspekti psikologjik nuk është i mirë, veç fatit dhe rezultatit që prodhoi ajo sfidë. Edhe këtë ndeshje, pothuajse ishim në gjysmëfushën e kundërshtarit. Duhet të jemi optimistë për ndeshjen e radhës, që i ka të treja rezultatet. Ajo çka kaluar, ka kaluar. Nuk kemi bërë asgjë ndryshe, veçse kemi vazhduar punën, me skuadrën që stërvitet maksimalisht, me ndeshjen pasardhëse për të marrë maksimumin.”-tha ai.
Më tej trajneri i kësaj ndeshjeje ka shtuar se derbi i tyre do të jetë ai me Egnatian, të cilën e konsideron si një skuadër shumë të fortë.
“Kanë qenë më shumë pikë të lënë, në bazë të asaj që kemi dhënë në fushë, sesa pikë të humbura. Egnatia është një ekip me kualitet, që ka marrë shumë pikë gjatë kësaj faze dhe duhet të ketë vëmendje maksimale. Derbi jonë është nesër.”-shtoi Kalari.
‘Të Kuqtë’ e kryeqytetit janë duke vuajtur mungesën e fitores në gjatë javë kampionat, ndërsa renditen në vend të 8 me vetëm 4 pikë të grumbulluara./K.T/Gijotina.com
