Trajneri i skuadrës së Partizanit, Ilir Daja ka deklaruar se është kundër vendimeve të arbitrit Hamiti në derbin e kryeqytetit. Ai theksoi se i ka bërë kërkesë klubit që ky arbitër të mos drejtojë më Partizanin gjatë sezonit.
“Nuk kam shumë qejf të merrem me arbitrat, por unë e kam cituar edhe vjet, po i njëjti arbitër ka qenë ku ne nuk kemi fituar asnjë ndeshje në drejtimin e këtij (Hamitit), që mban edhe stemën e FIFA-s. Nuk dua të krijoj alibi, por natyrshëm që nuk kam asnjë simpati për këtë arbitër.
Do të kërkoj edhe nga klubi që të bëjnë kërkesë që ky arbitër të mos jetë më në gjykimin e ndeshjeve tona. Edhe anësori, të cilin e kisha shumë afër, ka gabuar 7 apo 8 herë. Ne nuk duam ta përcjellim këtë humbje tek arbitrat, por do të bëj çmos që klubi ynë të bëjë kërkesë që ky arbitër të mos jetë më në ndeshjet tona”, theksoi trajneri Ilir Dajan ë lidhje me gjykimin e derbit nga gjyqtari Eldorian Hamiti.
