Asion Daja i Teutës u ndëshkua me kartonin e kuq në sfidën me Kukësin së bashku me Taipin pasi gjyqtari Xhaja konsistoi në një zënkë mes tyre. Ai i bën thirrje Disiplinës t’i heqin kartonin pasi sipas tij nuk e meriton.
“Doja të ndalja tek episodi i arbitrit, sepse mori një vendim të nxituar pasi ishte minuta e 90-të dhe ishte një ndeshje “Fair Play”, me ritëm. Ishim dy lojtarë, njëri kapiten dhe njëri që ka 15 vite që luan në Kategorinë Superiore dhe përfaqëson ekipin kampion të Teutës, i respekton dhe është mirëkuptues gjithmonë me arbitrat. Përpos të gjithave, nuk kam pasur aspak kontakt me lojtarin kundërshtar siç shikoj.
Do të kërkoja nga mbledhja e Komisionit të Disiplinës që të rishikohet episodi i kartonit të kuq, pasi në radhë të parë dëmtohet Teuta si imazh, duke ditur që jemi një ekip “Fair Play” dhe në ndeshjen e radhës do të mungoj dhe çdo ndeshje është e rëndësishme e duhet që ekipi të jetë i plotë”, tha Daja.
