Pas tre vitesh kufizime anti-Covid, tifozët e futbollit në Republikën Popullore të Kinës do të mund të ndjekin sërish ndeshjet ndërkombëtare. Ndeshja miqësore mes Australisë dhe kampionëve të botës, Argjentinës, do të zhvillohet më 15 qershor në stadiumin e rinovuar të Punëtorëve me një kapacitet prej 68 mijë shikuesish.
Organizatorët thane, se biletat për ndeshjen miqësore, ose kthimin e raundit të fundit të 16-të të Kupës së Botës, ku ‘Albiceleste’ fitoi 2-1 kundër ‘Socceroos’, do të shiten në dy pjesë më 5 dhe 8 qershor. Çmimet do të jenë nga 76 euro deri në rreth 630 euro.
Për të shmangur rishitjen e paligjshme, blerësit duhet të japin identitetin e tyre, i cili do të kontrollohet në hyrje të stadiumit. “Nuk lejohet asnjë transferim, apo kopje e biletave”, thonë organizatorët.
Megjithatë, në platformën e shitjeve online Taobao, më e popullarizuara në Kinë, tregtarë të ndryshëm tashmë ofronin një shërbim të rezervimit të biletave, njëri prej tyre kërkonte 18.000 juanë (afërsisht 2.400 euro) për të aksesuar vendet VIP.
Fansat kritikuan ashpër çmimet e larta të biletave të premten në rrjetin social Weibo (paga mesatare në kryeqytetin kinez është rreth 8.800 juanë ose 1.150 euro).
Discussion about this post