Janë zbardhur detaje të reja nga mbytja e 40-vjeçarit Fredi Ceno në Liqenin e Prespës. Policia ka njoftuar se rreth orës katër është njoftuar nga banorët e zonës dhe ka shkuar në vendngjarje, ku ka gjetur të pa jetë Cenon. Sakaq, mësohet se Ceno nga fshati Bitinckë i Bashkisë së Devollit së bashku me tre persona të tjerë ka shkuar për të peshkuar me grepa në bregun e liqenit te Prespës në fshatin Gollomboç.
Në një moment , 40- vjeçari ka lënë peshkimin dhe ka hyrë për tu larë i vetëm në ujërat e këtij liqeni. Ishin shokët ata të cilët panë se 40- vjeçari nuk dinte not mire dhe kanë hyrë për ta shpëtuar, por duket ka qenë vonë. Ata e kanë nxjerrë në breg por pa shenja jete.
Discussion about this post