Ministrja e Punëve të Jashtme, Donika Gërvalla ka marrë sot një vendim, në të cilin ka shpallur “non grata” dy rusë, ku njëri prej tyre ishte dëbuar edhe nga autoritetet shqiptare, për shkak të disa sjelljeve të papranueshme.
Denis Vengerskii dhe Alexey Kryvosheev janë dy personat që janë identifikuar nga institucionet e Kosovës se veprimtaria e tyre është cenuese për sigurinë kombëtare.
Ndërkohë, Alexey Kryvosheev, nuk e ka për herë të parë që është shpallur person “non grata”.
Ai edhe nga autoritetet shqiptare është shpallur i papranueshëm, pasi që në janar të këtij viti, sipas qeverisë shqiptare, vazhdimisht ka thyer masat anti-COVID në Shqipëri.
Për këtë ka reaguar edhe presidentja e Kosovës, ku tha se Institucionet e Republikës së Kosovës janë të vendosur në luftën kundër ndikimit të keq të Federatës Ruse dhe satelitëve të saj në rajon, të cilët synojnë rrënimin e arritjeve tona dhe të SHBA-së, NATO-s dhe BE-së.
