Shpërthimi që ka ndodhur mëngjesin e sotëm në minierën e qymyrit ”Soko” pranë Sokobanjës në Serbi ka shkaktuar vdekjen e 8 minatorëve dhe ka lënduar 18 të tjerë sipas Ministrisë së Minierave dhe Energjitikës.
Minatorët që kanë humbuir jetën janë: Darko Zlatkoviq (43), Nenad Trivunac (37), Radovan Grujiq (47), Petar Petroviq (31), Branko Čokorilo (56), Branislav Zlatanoviq (55), Bratislav Zhivkoviq (59) dhe Bojan Stajiq. 34). Më i riu ndër ta ishte një 31-vjeçar dhe më i madhi ishte 59 vjeç sipas mediave serbe.
Drejtori i Resavica, Sasha Spasic tha se aksidenti minerar në gropën e minierës “Soko” ka ndodhur pak pas orës 4 të mëngjesit në pjesën e depozitimit të minierës së fushës lindore në turnin e tretë, gjatë punimeve të rregullta të nxjerrjes së qymyrit.
Sipas informacioneve jozyrtare, ka pasur shembje në dhomën e gërmimit VE 3/1 dhe depërtim të menjëhershëm të metanit në hapësirën e punës.
“I shpreh ngushëllimet e mia familjeve të minatorëve të lënduar, ne jemi këtu për ta në çdo moment “– tha Spasiq.
Ndërkohë minatorët e tjerë që ndodheshin në bosht në momentin e aksidentit janë evakuar jashtë dhe të lënduarve po ju ofrohet ndihma mjekësore. Inspektori i minierave dhe organet e tjera kompetente ndodhen në terren dhe po hetojnë shkaqet e aksidentit tragjik.
Discussion about this post