Pasditen e sotme janë shënuar të shtëna me armë në fshatin Papër të Elbasanit, ku u bë atentat ndaj një makine tip BMW, targat e të ciles rezultojnë të vjedhura në Durrës, në prill të vitit 2021, e cila ishte në lëvizje.
Ngjarja ka ndodhur pranë vendit të quajtur Ura e Zezë, në afërsi të rrugës së Cërrikut.
Personat që kanë qenë në mjetin tip BMW, e kanë braktisur mjetin dhe janë larguar.
Në vendngjarje ndodhet policia e cila ka ngritur postblloqe në të dyja anët e rrugës ku po ushtron kontroll mbi të gjitha mjetet.
Në vendngjarje janë gjetur gëzhoja dhe xhami i thyer i makinës ndaj së cilës u qëllua.
Grupi hetimor, nën drejtimin e Prokurorisë, po vijon punën për sqarimin e rrethanave të ngjarjes, identifikimin dhe kapjen e autorëve.
Discussion about this post