Rezultatet e analizave nga testi i drogës ndaj efektivëve të Policisë së Shtetit kanë dalë në pah. 11 policë kanë rezultuar përdorues të lëndëve narkotike në 6 komisariate të Tiranës. Mësohet se disa efektivë kanë mohuar vërtetësinë e rezultatit, duke e konsideruar përgjigjjen si të gabuar. Urdhri i Drejtorit të ti të Policisë së Shtetit, Gledis Nano për analizat e drogës mes forcave të rendit kanë zbuluar 11 efektivë që kanë përdorur lëndë narkotike.
Mësohet se 2 prej bluve që rezultuan përdorues janë pjesë e komisariatit nr.2 në Tiranë. Raportohet se efektivët përdorues janë nga mosha 50 deri në 60 vjeç, gjë e cila është përdorur si argument edhe nga vet ata, duke konsideruar absurd rezultatin.
Gjithsej janë 11 mijë policë dhe drejtues që do të duhet ti nënshtrohen analizës së drogës . Javën e ardhshme pritet që policia të shpall zyrtarisht rezultatet e testimit të drogës për të gjithë uniformat e blu që ka nisur pranë 6 komisariateve një javë më parë.
Discussion about this post