Dani Alves është larguar nga burgu Brians 1 në Barcelonë këtë të hënë dhe është transferuar në Brians 2. Ky vendim është marr për shkak të sigurisë së brazilianit. Ylli i futbollit akuzohet për dhunë seksuale kundër një 23 vjeçareje në një club në Barcelonë, mbrëmjen e 29 dhjetorit 2022.
Prej së premtes së shkuar Alves është pas hekurave, teksa pret të dalë sërish para togave të zeza për gjyqin e radhës. Burgu i ri ka më shumë siguri, teksa Alves ndërroi tre herë versionin e tij për ngjarjen, me kamerat e sigurisë që tregonin tjetër gjë pas dëshmisë së futbollistit.
Ndërkohë, vazhdojnë të dalin dëshmitë e viktimës së dyshuar në të cilat ajo rrëfen se çfarë ka ndodhur në dhomën private të clubit në fjalë. “Unë rezistova, por ai ishte shumë më i fortë se unë,” tha ajo sipas ‘La Vanguardia’ . Ajo siguroi gjithashtu se nuk e dinte që pas derës në të cilën e çonte lojtari kishte një banjë: “Mendova se ishte një dhomë tjetër VIP”.
Discussion about this post