Ylli i “Keeping Up With The Kardashian”, Kim Kardashian dhe aktori, Pete Davidson, u fotografuan para pak ditësh teksa kalonin kohë së bashku në një park lojërash dhe kaq mjaftoi që ndjekësit të dyshonin se ata mund të jenë më shumë se miq. Tani duket se Kim dhe Pete po kalojnë gjithnjë e më shumë kohë së bashku.
Themeluesja e “Skims”, 41 vjeçe dhe ylli i “Saturday Night Live”, 27 vjeç, u panë duke darkuar së bashku në New York. Sipas “Page Six” dyshja shkuan në një restorant luksoz të quajtur “Zero Bond”. Një burim që e vëzhgoi çiftin në mbrëmjen e takimit të tyre të dytë në New York tha ekskluzivisht për “Page Six” se:
“Ata po buzëqeshnin dhe dukeshin vërtet të afeksionuar me njëri-tjetrin.”
Megjithëse Kim dhe Davidson, ishin ulur së bashku në “Zero Bond”, atyre iu bashkua gjithashtu një grup më i madh miqsh në tryezë.
“Ishte një darkë për 10 persona, duke përfshirë Simon Huck, të fejuarën e tij, Phil Riportella dhe Jonathan ‘Foodgod’ Cheban.”
Burime të shumta konfirmuan më pas se i gjithë grupi u largua veçmas rreth orës 22:30.
Discussion about this post