Deputeti opozitar Dashamir Shehi ka folur për buxhetin e vitit 2022.Në një intervistë televizive, ai u shpreh se buxheti i vitit 2022 duhet të ishte një buxhet social dhe të fokusohej në rritjen e pagave dhe të pensioneve. Ai tha se, pas pandemisë dhe me rritjen e çmimeve, shoqëria ka nevojë për paga më të mira.
“Shqipëria vazhdon që të notojë në informalitet. Nga ky buxhet nuk shoh asnjë përmirësim. Për gjykimin tim i kanë shpërndarë gabim. Borxhi publik shkon mbi 80 për qind. Borxhi ka qenë 66-67 brenda dy viteve janë marrë 12-13 për qind borxh. Është lek i madh, ne duhet të analizojmë ku shkoi ky borxh këtë vit. PPP po marrin 120 milionë lekë. Duhet të ishte orientuar në fushat sociale që do rrisim rrogat, pensionet. Në një vit të tillë shoqëria ka nevojë për disa paga më të mira pasi janë rritur edhe çmimet. Këta thonë do të rrisim pagat me 6 për qind. Unë do sugjeroja të rritje 15-20 për qind”, tha ai.
Ndër të tjera, Shehi u shpreh, se nëse do të ulej informaliteti do të rriteshin edhe kontributet në pensione, por kjo gjë nuk i leverdis qeverisë. Sipas tij, kjo nuk lejon që të kryhet korrupsion.
Discussion about this post