Një 20-vjeçar është dënuar dje nga trupi gjykues i përzier i Volos për pengmarrje, pasi rrëmbeu të dashurën e tij 14-vjeçare, me origjinë turke. Ai u dënua në mungesë me 23 muaj burg me kusht për rrëmbimin e të miturës dhe armëmbajtje.
Dy fëmijët e emigrantëve grekë dhe turq u takuan në Gjermani në vitin 2019 dhe vendosën të “rrëmbejnë” vajzën pasi prindërit e saj ishin kundër lidhjes.
Familja e te riut
Familja e të riut tashmë 22-vjeçar kishte emigruar për të punuar në Gjermani dhe duke qenë se prindërit e të dashurës nuk e lejonin ta shihte, ai vendosi ta “rrëmbente”.
Origjina e të riut ishte nga Ampelonas i Larisës dhe çifti gjeti strehim tek gjyshërit e djalit të atëhershëm 19-vjeçar. Por nuk kishte para për të jetuar dhe 19-vjeçari vendosi të kryente një grabitje.
Dashuria
Rasti i dashurisë së tyre u zbulua kur efektivët e policisë arrestuan 19-vjeçarin për grabitjen e një dyqani pengjesh në Larisa dhe konstatuan se me të jetonte 14-vjeçarja, e cila ishte në kërkim nga familjarët e saj dhe ishte lëshuar njoftimi nga autoritetet gjermane për zhdukjen e saj.
Deklarata
“Unë do të bëj gjithçka për ty”, dyshohet se i tha djali një pasdite, i cili u shfaq si klient në një dyqan pengjesh në zonën e Konservatorit Komunal të Larisës dhe kërkoi të linte një kryq ari dhe t’i merrte vlerën në para. Tiparet e fytyrës së tij nuk ishin të mbuluara, ai fliste greqisht dhe në të vërtetë nisi një bisedë me punonjësin 38-vjeçar, i cili ia bëri të qartë që në fillim se kryqi kishte pak vlerë.
20-vjeçari shpjegoi se i duheshin paratë, por nëpunësi këmbënguli se ato kishin pak vlerë. Më pas autori ka nxjerrë një thikë nga xhepi dhe e ka kërcënuar duke i kërkuar të gjitha paratë që ndodheshin në arkë.
Ai ka marrë 2115 euro , si dhe librin e transaksioneve, duke besuar se kjo do t’i fshinte gjurmët. I pashqetësuar, si të mos kishte ndodhur asgjë, është larguar në këmbë drejt qendrës së Larisës dhe është kthyer në shtëpinë e gjyshes, duke marrë me vete paratë, librin e transaksionit dhe thikën. Aty e ka gjetur policia dhe e ka arrestuar, pas denoncimit të punonjëses, e cila pavarësisht tronditjes, ka mbajtur disa prova. Brenda në shtëpi policia ka gjetur 14-vjeçaren, e cila nuk ka kuptuar se çfarë po ndodhte, ka nisur të qajë dhe ka kërkuar të hipë në makinën e patrullës.
E mitura nuk pranonte me këmbëngulje të linte 20-vjeçarin dhe të kthehej pranë familjes dhe siç raporton policia, ajo ishte aq e dashuruar sa kërkoi ta ndiqte në qendrën e paraburgimit kur ai u arrestua.
Discussion about this post