Të paktën 100 persona kanë vdekur dhe 150 të tjerë janë plagosur, pas një zjarri që shpërtheu në një lokal ku po zhvillohej një martesë në Irakun verior, raporton BBC.
Ngjarja ndodhi në një sallë komunale në Hamdaniyah, një qytet në provincën veriore të Nineveh. Numri dramatik i viktimave është ende i përkohshëm, pasi ka ende persona të zhdukur.
Po ashtu raportohet se mes viktimave janë dhe çifti që kurorëzonte dashurinë e tyre, por që fatkeqësisht humbën jetën.
Lajmi u konfirmua nga Ahmed Dubardanit, nënkryetar i drejtorisë së shëndetësisë në Nineveh. Duke folur me gazetarët më herët në një konferencë për shtyp, ai shtoi se të paktën pesëdhjetë njerëz ishin në gjendje kritike, ndërsa gjysma tjetër e të shpëtuarve kishte pësuar djegie.
“Shumica e njerëzve ishin djegur plotësisht. Dhe disa të tjerë u dogjën 50 deri në 60 për qind të trupave.”, tha ai. Ai shtoi se shumica e të lënduarve ishin të rinj.
Discussion about this post