Mbajta e Konventës së Lëvizjes Socialiste për Integrim vetëm një ditë pasi Presidentit Ilir Meta i mbaron mandati, për kryetaren e LSI-së, Monika Kryemadhi është një rastësi.
Mbrëmjen e sotme e ftuar në emisionin “Opinion”, Kryemadhi është shprehur se Meta pritet me shumë dashur në LSI, por nuk di të thotë nëse ai do të marrë në dorë drejtimin e partisë.
Nga ana tjetër, vetë Kryemadhi ka bërë me dije se ajo vetë nuk kandidon dot më, pasi i ka mbushur dy mandate dhe nuk lejohet të ketë një të tretë.
“Është shumë herët për ta thënë këtë, nuk di ta them këtë, pasi është shpejt, nuk dihet. Unë vetë e kam thënë edhe më herët, nuk kandidoj dot më pasi i kam bërë dy mandate. Lidhur me Konventën e LSI-së që mbahet vetëm një ditë pasi Metës i mbaron mandati është çështje koincidence, thjesht një rastësi.”
Gjithashtu, Kryetarja e Lëvizjes Socialiste për Integrim, Monika Kryemadhi është shprehur se Presidenti Ilir Meta është njeriu që e lë pa gjumë kryeministrin Edi Rama, dhe se sipas saj Rama ka fituar tre mandate, por që sërish i trembet Metës.
“Normale që dëshiron një president që të mos i ngjajë Ilir Metës sepse Meta e lë pa gjumë atë. Nuk mendoj se qetësia e një politikani është kur bëhet tre herë kryeministër.”
Discussion about this post