Kupa e Botës që do të organizohet në vitin 2022 duket se po ndez seriozisht motorrët, ku ditën e sotme ka nisur puna me përzgjedhjen e ‘ambasadorit’ të këtij turneu.
David Beckham mësohet se është zgjedhur nga sheikët e Katarit si përfaqësuesi i tyre për të qënë imazhi Botërorit Katar 2022, ku anglezi pritet të fitojë më shumë se 150 milionë stërlina.
Nga ana tjetër, për të përditshme britanike ‘The Sun,’ vetë Beckham ka ngritur shqetësimin sa i përket rrespektimit të të drejtave të njeriut në këtë vend, ku disa burime kanë shpjeguar:
“David beson se vullneti i Katarit për të perfaqësuar progresin dhe botërorin, i pari që zhvillohet në botën arabe, mund të jetë një ndryshim pozitiv. David ka shumë besim në aftësitë që ka në futboll për të tejkaluar diferencat, por është e rëndësishme ta shohë progresin me sytë e tij.”
