Mbrojtësi i Bayernit të Mynihut, Alphonso Davies, tregoi në një intervistë se ishte shumë pranë kalimit te Barcelonës përpara se të merrte rrugën drejt Bavarisë.
Qëkur është bashkuar me kampionët e Gjermanisë për 22 milionë dollarë, Davies ka qenë një nga lojtarët më të mirë për Bayernin, duke u bërë gjithashtu dhe një nga mbrojtësit e majtë më të mirë në botë.
Gjithsesi, çdo gjë mund të ishte shumë më ndryshe. Barcelona ishte shumë pranë Davies, por 22-vjeçari u shpreh se ai u refuzua vetëm se ishte kanadez dhe kjo gjë e lëndoi atë.
“Barcelona shfaqi interes ndaj meje, por presidenti (Bartomeu) nuk më donte sepse isha nga Kanadaja. Të paktën kjo ishte ajo që u tha në media. Nuk e di nëse ai e tha vërtetë këtë gjë ose jo, por mua më theu ndjenjat”, ishin fjalët e Davies.
Discussion about this post