Mbrëmjen e sotme ne orën 18:00 do të zhvillohet ndeshja midis Portugalisë dhe Azerbajxhanit, e vlefshme për kualifikueset e Botërorit ‘Qatar 2022’.
Portugezët vijnë pa yllin e ekipit, Cristiano Ronaldon, i cili u pezulluar për shkak se në takimin me Irlandën hoqi fanellën.
Megjithatë edhe pa Ronaldon Portugalia është një kundërshtar shumë i fortë për ekipin e ri të ish-trajnerit legjendë të Kombëtares shqiptare, Gianni de Biasit.
Tekniku italian në konferencën para kësaj sfide ka thënë se Azerbajxhani nuk do e ketë aspak të lehtë, por ekipi i tij nuk do dorëzohet.
“Sigurisht që Cristiano është një futbollist i madh, nga më të mirët. Por ata kanë lojtarë të tjerë që luajnë në klube si Manchester City, United dhe Liverpool. Nuk do të jetë aspak e lehtë, por kjo nuk do të thotë se ne do të hedhim peshqirin në tokë pa e provuar. Do të luftojmë dhe do të bëjmë ndeshjen tonë”,- u shpreh ndër të tjera De Biasi./Gijotina.com
