Ish-trajneri i Kombëtares shqiptare, Gianni de Biasi ka folur së fundmi në lidhje me kampionatin e Seria A, e më specifikisht për Strakoshën dhe Hysajn.
Në një intervistë të dhënë për “TuttoMercatoËeb” kreu i stolit të Azerbajxhanit ka theksuar se Sarri është me fat që ka dy lojtarë siç janë portieri dhe mbrojtësi i Shqipërisë në ekipin e tij.
Madje me tone shakaje ai i ka thënë Sarrit se nëse është babai i futbollit, De Biasi është gjyshi, ndaj sipas tij ai duhet t’i japë vendin që u takon këtyre dy emrave.
Si i komenton dy besnikët e tij në kohën e kombëtares shqiptare: Strakosha dhe Hysaj. Si i shihni ata sot në Lazio?
“Alternimi midis portierëve nuk ndihmon. Unë mendoj se Strakosha është një lojtar cilësor, me ende hapësirë të madhe për përmirësim sepse është i ri. Ai ka qenë gjithmonë një djalë shumë i përqendruar dhe i mirë, me një stil efektiv midis shtyllave. Unë e di gabimin që bëri kundër Galatasaray dhe më vjen shumë keq për të, por gabimet janë pjesë e lojës. Hysaj? Nëse Sarri është babai, unë jam gjyshi (qesh). në Romë, ai tashmë e njeh Sarrin dhe ka moshën e duhur për të luajtur në një vend të rëndësishme si Roma.”-tha De Biasi.
Ndërsa gjithmonë italo-shqiptari, që arriti suksesin e ‘Euro 2016-ës’, shpreh dashurinë e tij për vendin dhe lojtarët tanë. /K.T/Gijotina.com
