Kevin de Bruyne është optimist se Man. City mund ta bëjë edhe më të paharrueshëm këtë sezon, duke fituar tripletën, më 10 qershor kundër Interit të Milanos.
Mesfushori belg fitoi trofeun e tij të dytë të FA Cup që kur është transferuar në “Etihad” në vitin 2015. Trofeu më i vjetër futbollistik në botë është i dyti për “qytetarët” këtë sezon, pasi muajin e kaluar vulosën titullin e tretë radhazi të Premier League.
Tani asistmeni më i mirë në Europë këtë sezon i vë syrin edhe trofeut të Champions League, i cili do të diskutohet mes Cityt dhe zikaltërve në finalen e Stambollit.
“Unë nuk mendoj se ka ndonjë presion”, tha De Bruyne kur u pyet për fitimin e tripletës nga skuadra e Guardiolës. “Ne kemi pasur një sezon të shkëlqyer deri tani dhe do të përpiqemi dhe të jemi gati sa më shumë që të jetë e mundur për të shkuar në Stamboll dhe luajtur një ndeshje tjetër të shkëlqyer. Ka qenë një sezon i pabesueshëm dhe shpresojmë që të bëjmë edhe më të mirë”, tha 31-vjeçari.
Discussion about this post