Ish-finalistja e këtij edicioni të “Big Brother VIP”, Dea Mishel, ishte mëngjesin e kësaj të mërkure e ftuar në emisionin “Wake Up”, ku ka folur për rrugëtimin e saj në shtëpinë më të famshme në Shqipëri.
Gjatë bisedës në studio, Dea Mishel u shpreh se “nuk e kupton se edhe pas daljes nga shtëpia, disa banorë vazhdojnë me hatërmbetje”. Ajo tha se tani e kanë shumë të lehtë që të sqarohen, pasi mund t’a marrin në telefon dhe ta pyesësh se çfarë ke”.
Sipas saj, ata kanë vendosur që të bëjnë lajme mbi gjërat që kanë ndodhur në BB VIP.
“E drejta e tyre. Unë do preferoja të vazhdoja jetën time dhe të ecja para, sepse besoj që do kem disa projekte të bukura tani, për të cilat ja vlen shumë, shumë, shumë të fokusohem shumë më shumë se dramat që kanë ndodhur në ‘Big Brother’. Mendoj se ato që kanë ndodhur brenda shtëpisë, t’i lë brenda shtëpisë dhe të vazhdoj me pozitivitet me të gjithë”, tha ish-banorja e BB VIP.
E pyetur se kush bënte më shumë intriga dhe drama në shtëpinë më të famshme në Shqipëri, burrat apo gratë, ajo u shpreh:
“Mendoj që i bënin edhe burrat edhe gratë, por më në fokus ishin gratë. Mendoj se këtë edicion gratë janë gjykuar më shumë. Mendoj që edhe brenda shtëpisë, edhe jashtë shtëpisë, të ishe një vajzë ishte një akt guximi. Duhej të silleshe në një mënyrë pak më të ashpër, pak më burrërore që të merreshe seriozisht”.
Discussion about this post