Vijon mbledhja me dyer të mbyllura e Këshillit të Mandateve dhe Imuniteteve, ndërsa avokatët e deputetit Arben Ahmetaj, Henrik Ligori dhe Ardian Visha kanë paraqitur mbrojtjen e tyre.
Ndërkohë pas paraqitjes së argumenteve nga mbrojtja, Gazment Bardhi duke iu drejtuar tha se klienti i tyre ka ikur nga Shqipëria kur kërkohej arrestimi.
“Kritikuat Prokurorinë pse ka shtrirë hetimet nga viti 2004, ndërkohë që hetimi i pasurisë duhet të bëhet për të gjithë politikanët. Pse jeni kundër hetimit të pasurisë ju? A keni prova për ligjshmërinë e pasurisë?”, iu drejtua Bardhi, avokatëve të deputetit Arben Ahmetaj.
Në vijim deputeti demokrat tha se akuzat ndaj ish-zv.Kryeministrit nuk janë politike, por kanë lidhje me korrupsionin.
“Pse ka gënjyer Arben Ahmetaj në raport me Mirel Mërtirin? Pse ka gënjyer Arben Ahmetaj në raport me Klodian Zoton”, ishin të tjera pyetje që Gazment Bardhi iu drejtoi avokatëve.
Bardhi tha se do të ishim mirëkuptues ndaj klientit tuaj nëse ai nuk do të arratisej, por do të vinte në Këshillin e Mandateve.
Discussion about this post