Basha ka vazhduar me akuzat ndaj qeverisë tryezën e punës për Reformën Territoriale, që po zhvillohet sëbashku me KAS. Sipas Bashës, qytetarët paguajnë me miliona euro taksa çdo vit, por në fund këto para shkojnë vetëm te xhepi i oligarkëve dhe kurrë nuk kthehen në investime publike.
Me tone të ashpra krye emokrati u shpreh se tashmë duket qartë që ndryshimet e bëra në 2014 me ndarjen e re territoriale, kishin qëllimin për të fituar sa më shumë pushtet dhe në këtë mënyrë mund të vidhën sa më shumë para.
“430 milionë euro kanë paguar shqiptarët për shërbime që nuk i marrin. Gjithçka u përqendrua në një dorë të vetme. Nga çdo shqiptar kudo që ndodhet, a ka një njeri që nuk e kupton: që mungesa e pushtetit vendor dhe centralizimi është bërë për afera si këto. Dhe afera si këto nuk mund të ndodhin nëse funksionon pushteti vendor. 17 akte nuk ka forcë për ti marrë brenda një dite përveç kryeministrit të vendit.
Prandaj është vjedhja e shekullit ndarja politike që u bë në 2014.
U konceptua si ndarje politike për të marrë pushtet sepse përmes pushtetit vidhen këto para. Ri ndarja territoriale e Shqipërisë është një domosdoshmëri urgjente. E duan shqiptarët nga jugu në veri”, deklaroi Basha. Kujtojmë se prej kohësh Basha ka deklaruar se PD, do të ndryshojë reformën territoriale, pasi po dëmton shumë qytetarët.
Discussion about this post