Ish-konkurrentja e “Big Brother” Xhensila Pere ka folur hapur ditën e sotme në lidhje me debatin e fortë që ka pasur me Rober Aliajn në emisionin e dashurisë “Love Story Talk” duke treguar se tashmë është në proces gjyqësor me artistin.
Debati mes tyre ka nisur pas statusit që Aliaj bëri në rrjetin e tij social Instagram duke e cilësuar opinionisten një personazh si të dështuar dhe si e tillë nuk ka moral për të këshilluar të tjerët.
Ditën e sotme, përmes një interviste në “Ora News”, Xhensila është shprehur se ka një çështje gjyqësore me Robertin duke shtuar më tej se ai i ka cenuar figurën e saj dhe jetën personale.
“Do ta prek shumë shkurtimisht sepse në momentin që ka një çështje gjyqësore nuk dua që të flas ndonjë fjalë që nuk duhet. Nisi gjithçka me një status ku z.Aliaj miksoi disa gjëra që cenoi figurën time personale gjë që besoj nuk është aspak profesionale. E vetmja gjë që kam kërkuar është se kush është zotëria në fjalë që mua të më cenojë për jetën time private dhe ndaj quhet private, personale dhe në momentin që unë dua të flas. Përsa i përket opinioneve unë nuk mendoj se ka vend për opinion mbi opinionin sepse ai është thjesht një këndvështrimi i imi.”
Kujtojmë se, në debatin që ndodhi disa kohë më parë në emision, Aliaj ju drejtua Xhensilës duke i thënë që aty duhet të ishte dikush që ka familje dhe jo një beqare si ajo, që nuk mund t’u sugjerojë asgjë të rinjve. Gjithashtu, Aliaj iu drejtua në fund duke i thënë që të shkojë të jetojë me maçokun e vet dhe t’i vijë turp që është beqare.
“Love Story mos e bëni zyrë sekserësh as moralizuesish provincialë. Nuk ka si mos të jetë nivel mediokër kur japin opinione individë të dështuar në jetën e tyre, habitet Xhensila me Kristin që në katër muaj nuk po vendos dot dhe harron që po plaket beqare dhe pa zanat. Opinioniste aty duhej të ishte një zonjë e suksesshme në jetën e saj familjare dhe profesionale, askush nuk e ka të drejtën morale të japi leksione suksesi aty ku vetë ata janë të dështuar.”
Nga ana tjetër, Xhensila i është rikthyer me tone të ashpra se kush është ai që vendos për një gjë të tillë.
Unë do të doja të isha këtu për të celebruar një dashuri dhe jo për një status të tillë, kur kam marrë ftesën për të qenë opinioniste tek Love Story absolutisht kam qenë shumë e lumtur dhe bëra një premtim me veten që të jem sa më e drejtë dhe të di se ku mbaron liria ime dhe ku fillon liria e tjetrit. Gjithashtu jam përpjekur si me djemtë, si me vajzat, 4 fronistët të jap mendimin tim gjithmonë pa cenuar dhe pa fyer askënd. Kam vetëm 1 pyetje, kush je ti që mua më fyen në këtë pikë?
Se fundmi, Robert Aliaj në një moment të caktuar të show-t është larguar pasi u ballafaqua me Xhensila Peren për një koment që kishte bërë për të.
Discussion about this post