Vendim politik, e ka cilësuar Sekretari i OMONIA-s, Marin Suli, mbajtjen në burg të Fredi Belerit.
I ftuar në emisionin Open, Suli u shpreh se Beleri nuk është arrestuar në flagrancë, por ka qenë duke konsumuar kafe me stafin e tij.
Ai tha se “të gjithë gjyqtarët janë nën trysni, janë edhe nën trysninë e politikës”.
“Është rasti i parë i një përgjimi që s’ka aparatin apo serinë. Ka shkelje të rënda dhe askush nuk e dëgjon. Të gjithë gjyqtarët janë nën trysni, janë edhe nën trysninë e politikës. Ligji nuk është opinion dhe kjo është fatkeqësi, Beleri po shpallet kriminel me prokuror publikë.
Beleri nuk është arrestuar në flagrancë, por duke pirë kafe dhe duke ngrënë me stafin e vetë. Po mbajnë brenda një kandidat vetëm e vetëm se në sondazh rezultonte fitues. Vendimi është politik”, u shpreh Suli.
Por deklaratat e Sulit janë kundërshtuar nga gazetari Dritan Hila, sipas të cilit Beleri u kap në kushtet e flagrancës.
“Ju keni thënë që do e çoni në Strasburg, çojeni atje dhe fitoni. Këtu kemi vendime gjykate të njëpasnjëshme, që do të thotë se ekzistojnë provat.
Nuk më duket vendim politik. Edhe Departamenti i Shtetit u shpreh që le të lëmë drejtësinë të flasë. Janë disa shkallë që e kanë certifikuar gjithë procedurën dhe veprimet që ai ka kryer si të fajshëm, dhe si të rrezikshëm për t’u lënë jashtë.
Nuk shikoj si vendim politik. Madje dje kryeministri grek bëri një tërheqje, ku deri dje kërkonte lirimin e tij, ndërsa dje kërkoi betimin e tij. Këtë e shikoj si një zbythje. Pastaj avokatët e tij patjetër do të flasin në mbrojtje të tij.
Beleri duhet të kalojë shkallët e betimit shqiptar. Fakti që të gjitha shkallët e mbajnë brenda do të thotë që dosja është e plotë”, u shpreh ai.”, tha Hila.
Gjatë debatit me Sulin, Hila solli në vëmendje kërcënimet që OMONIA ka bërë edhe ndaj gazetarëve shqiptarë.
“Në 2003 keni kërcënuar Rudina Xhungën. Ishin njerëz të shpërfytyruar që kërcënonin. Në atë kohë u bë denoncimi në polici, po Shqipëria e atij viti nuk është kjo që është sot”, tha Hila.
Discussion about this post