Kryetari i Partisë së Lirisë, Ilir Meta ka reaguar sërish për çështjen e përfshirjes së emrit të tij në dosjet e ish-Sigurimit të Shtetit duke ironizuar kryeministrin Edi Rama.
Ish-Presidenti Meta ka publikuar në rrjetin e tij social Facebook, një foto nga revista “Në shërbim të popullit” të vitit 1983, ku është një karikaturë që mban autorësinë e kreut të qeverisë.
Meta thotë se Rama ishte karikaturisti i preferuar i Partisë së Punës për shkrimet propagandistike kushtuar Sigurimit dhe spiunazhit. Ish-Presidenti thotë se tani Rama është kryetari i bandës së inceneratorëve.
Postimi i Metës:
Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit.
Ndërsa Partia Socialiste e ka Edi Ramën, kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar.
Në foto: (Karikatura e Edi Ramës në revistën “Në shërbim të popullit”, 10 tetor 1983)
Discussion about this post