Dëbora bllokon Dibrën! Në këtë rrugë kalohet vetëm me zinxhirë

Dimri ka “zaptuar” keq qarkun e Dibrës në 24 orët e fundit. Në lartësi mbi 800 metra ka patur reshje dëbore. Trashësia në zonat e thella varion deri në 40 cm. Në Kalanë e Dodës, Lurë dhe Selishtë bora ka kaluar 40 cm. Aksi nacional Peshkopi – Tiranë nga Burreli, kalimi është pa probleme.

Situata e qarkullimit
Aksi Klos – Tiranë nga Rruga e Arbrit, kalimi bëhet me zinxhirë, në by-passin e Qafës së Murrizit.

Aksi Peshkopi – Kala e Dodës – Kukës ka mbi 40 cm borë, kalimi bëhet vetëm me zinxhirë.

Aksi Peshkopi – Draj Reç – Kukës kalimi me zinxhirë.

Aksi Ura e Çerenecit – Steblevë – Librazhd kalimi bëhet me zinxhirë.

Mungon energjia elektrike në njësitë administrative Lurë, Kala e Dodës dhe Sllovë.

Gjate natës dhe mëngjesin e sotëm qarku i Elbasanit ka qenë i përfshirë nga reshje shiu të shumta ku disa herë kanë qenë me intensitet të lartë, dhe në lartësi mbi 1000 metra kemi reshje debore. Në akset rrugore nacionale kemi pasur prani të inerteve e aluvioneve por që nuk kanë ndikuar në qarkullimin e mjeteve;

Elbasan-Qafe Thanë te kthesat e Murrashit

Gramsh-Moglicë

Elbasan-Rrogozhinë në segmentin Paper Bishqem.

Librazhd Stebleve kemi prani dëborë 10cm deri 20 cm në segmentin Klenje Stebleve. Shirgjan Kacivel në Kacivel ka pasur bllokim të njërës anë të aksit nga renia e një masivi dheu. Prurjet e lumenjve e të përrenjve kanë qenë deri mesatare pa sjellë probleme.