Djegia e makinave ka rikthyer sërish sherrin mes Marsel Buçit dhe Deizi Arapit, të cilët akuzojnë njëri-tjetrin si autorë të ngjarjeve. Mbrëmjen e djeshme të dy janë shoqëruar në komisariat, ndërsa mësohet se Buçi ka denoncuar shefin e komisariatit Devoll, Pashk Syziu për dhunë dhe ky i fundit është pezulluar tre ditë nga puna.
Sipaj tij, sherri ka filluar pasi Arapi e ka provokuar dhe kërcënuar që Buçi ta godiste. Por Buçi shprehet se ai nuk ka reaguar ndaj provokimeve.
“Mbrëmë kam dalë për kafe dhe jam konfliktuar me fjalë me Deizi Arapin e cila me ka kërcënuar dhe provokuar që unë ta godisja por nuk kam reaguar. Pas debatit më njoftuan nga familja që policia po më kërkonte në shtëpi, erdha në banesë dhe më shoqëruan në komisariat. Atje, në zyrën e shefit të krimeve, ku ishte prezent edhe një punonjëse policie, shefi i krimeve pa asnjë shkak më ka goditur në pjesë të ndryshme të trupit me grushte dhe shkelma. Nuk kam reaguar dhe kam qëndruar i qetë derisa hyri në zyrë një tjetër punonjës policie i cili e qetësoi situatën. Më pas shkoj te drejtoria e policisë dhe bëj denoncimin në AMP. Ndihem i kërcënuar, jam shumë i prekur nga kjo situatë dhe ndihem i pasigurt dhe jo i qetë. Në komisariat mbrëmë mbërriti edhe avokati im, dhe deputeti i Bilishtit Bledjon Nallbati”, mësohet të ketë dhënë ai.
Discussion about this post