Ish-kryeministri Sali Berisha ka akuzuar kryeministrin Edi Rama se nuk është dakord për njohjen e Kosovës dhe anëtarësimin në NATO. Berisha shkruan se në samitin e jashtëzakonshëm të NATO-s, të mbajtur dy ditë më parë, është kërkuar anëtarësimi i Kosovës nga presidenti i Kroacisë.
Por, sipas Berishës, kryeministri ynë nuk e ka mbështetur kërkesën e presidenti Zoran Milanović, ndërsa e konsideron si “argat të Beogradit”.
“Presidenti i Kroacisë, Milanoviç kërkoi në Samitin Brukselit anëtarësimin e Kosovës në NATO dhe njohjen e saj nga vendet anëtare që nuk e kanë njohur. Argati i Beogradit Edi Rama nuk mbështeti kërkesën e tij. Mirënjohje të pakufishme Presidentit Milanoviç”, shkruan Berisha.
Nuk ka informacione për këtë deklaratë, nëse Rama vërtet ka refuzuar kërkesën për anëtarësimin e Kosovës dhe se sa i saktë është burimi i ish-kryeministrit.
Discussion about this post