Anëtarja e Kryesisë së PD-së, Edith Harxhi, ka komentuar deklaratën e bërë dje nga Kryeministri Rama ndaj SHBA. Sipas saj, deklarata e Ramës ‘Amerika na la’, ishte më e rënda e këtyre 35 viteve të fundit.
Harxhi thotë se kjo tregon se Rama ndodhet në një gjendje të rënduar psikologjike, pasi një kryeministër i një vendi demokratik, nuk mund të shprehet në atë lloj forme.
“SHBA ka ambasadën në Tiranë. Prania diplomatike e tyre është ende këtu, por është pasive aktualisht, nuk ka asnjë deklaratë. Nuk ka asnjë aktivitet politik, nuk shfaqen fare në publik dhe kjo tregon që natyrisht ka patur një lloj neutralizimi nga ana e Departamentit të Shtetit për disa përfaqësi diplomatike, sepse nuk është vetëm Shqipëria, të cilat kanë funksionuar në mënyrë ndryshe.
Kanë funksionuar në një linjë të plotë më qeverinë. Gjithmonë, kancelaritë funksionojnë me qeveritë, por ajo që ndodhte në Shqipëri ishte e pazakontë. Sepse këtu ishin palë me qeverinë, ishin palë në proceset elektorale. Këtu ishin palë me qeverinë në të gjitha proceset në të cilat ata nuk dilnin hapur dhe nuk flisnin asnjë fjalë kundër korrupsionit që ndodhte, por nga ana tjetër anatemonin opozitën.
Deklarata e djeshme e kryeministrit që nuk është debatuar sa duhet në median shqiptare, është ndoshta deklarata më e rëndë që ka ndodhur këto 35 vite të fundit, që Amerika në la. Kini parasysh diçka, që këto katër vitet e fundit, që nga momenti që zoti Berisha është shpallur non-grata nga Antony Blinken dhe deri në momentin që ai pati arrestin e tij politik, që ishte arrest i stisur, pa dosje, pa akuzë e pa asgjë. Kurrë për asnjë moment PD, zoti Berisha, anëtarë të saj nuk folën dhe nuk thanë asnjëherë që SHBA na la në baltë, apo u larguan nga ne etj etj. Përkundrazi, vazhduam dhe thamë në çdo moment që është aleati ynë kryesor.
Dhe të kthehet kjo tani në kohë, që nga ’45-a nga koha e Enver Hoxhës, të dalë Edi Rama e të bëjë një deklaratë të tijë që ‘Amerika na la’, do të thotë që ai është gjendje të rëndë psikologjike, të rëndë emocionale që bën një deklaratë të tillë, e pazakontë për një kryeministër. Dhe e dyta, këtu vërtet ka diçka që atë po e shqetëson vërtet shumë. Nga ana tjetër, nuk ka ndodhur kurrë, edhe në ’49-ën, kur ambasada amerikane u mbyll në Shqipëri, gjatë periudhës së Enver Hoxhës, përsëri shqiptarët ruajtën, e mbajtën, dëgjonin Zërin e Amerikës, e kishin kryesor atë. Ndërsa të dalë një kryeministër këto 35 vite e të thotë që Amerika u largua nga ne, kjo është shumë e rëndë”, u shpreh ajo.
Discussion about this post