Politikani i të djathtës ekstreme franceze, Nicolas Bay, njëherazi deputet në Parlamentin Evropian, ka bërë disa deklarata të forta lidhur me kombin shqiptar, por edhe me luftën e Ushtrisë Çlirimtare të Kosovës kundër forcave serbe. Prej ditësh, ai duket se ka mbërritur në Shqipëri dhe Kosovë, ku edhe po vëzhgon nga afër kulturën e vendit, ndërsa ofendimet nuk i ka kursyer.
Gjatë një videoje të xhiruar mbi urën e Ibrit në qytetin e Mitrovicës, Bay e cilëson UÇK-në si terroriste dhe serbët si mburojën e qytetërimit evropian.
“Këtu në urën e Mitrovicës, serbët e krishterë e mbrojtën territorin e tyre nga sulmet e terroristëve shqiptarë të UÇK-së. Ata ishin mburoja e qytetërimit tonë evropian,”-shkruan ai në rrjetet e tij sociale, ndërsa nuk i ka kursyer as pamjet me foto dhe video që ka shkrepur.
Gjithashtu politikani francez, gjatë takimit me klerikun Sava Janiç në Manastirin e Deçanit, ka thënë se prezenca e murgjve serbë aty daton më shumë se 8 shekuj më parë.
Certains voudraient nous faire croire que le Kosovo est un territoire annexe de la Serbie : il n’en est rien.
Le Kosovo est le coeur de la nation serbe. Il est le berceau historique de la Serbie. pic.twitter.com/NZr5w1smtW
— Nicolas Bay (@NicolasBay_) October 30, 2022
Discussion about this post