Kreu i grupit parlamentar të PD-së, Gazment Bardhi, ka komentuar deklaratat e kryeministrit Edi Rama, dy ditë më parë ku foli për Veliajn dhe drejtorët e tij hajdutë.
Sot, në fjalën e tij nga Kuvendi, Bardhi u shpreh se ajo që dëgjuam nga Rama ishte monolog, një fjalim i denjë për një opozitar.
Bardhi deklaroi se qeveria e Ramës nuk ka moral dhe për këtë arsye nuk dorëhiqet, ndërsa përmendi drejtorin e Veliajt, Redi Mollën, duke thënë se mollët nuk lihen në pemë të kalben, por trajtohen.
“2 orë monolog, ju mbajti në sallë, nuk ju dha të drejtën për të folur, foli dy orë dhe iku. Në atë monolog të panevojshëm mbajti një fjalim të denjë për një opozitar. Në një pjesë të mirë të fjalimit Edi Rama foli për histori nga jeta e tij në këto 11 vjet në pushtet që lidhen me hajdutë të qeverisë së tij që ai të ndërhynte në drejtësi për t’i lëshuar ato. Ai foli me kode, ndonjëherë kode morale, apo kode paralajmëruese, në fund tha se qeveria e tij nuk ka moral dhe nuk do të tërhiqen për shkaqe morale. Foli për mollën, ndoshta e ka për Redi Mollën që bie vetë nga pema se është kalbur. Ajo që i mungoi gjuhës folklorike të pasur, ishte fakti që nuk lihet molla sa të kalbet në pemë, por kurohet dhe trajtohet që mos të kalbet. Jo vetëm që nuk u kujdes që mollët të mos kapeshin, por është kalbur vetë”, tha Bardhi.
Discussion about this post