Ambasada shqiptare në Beograd është sulmuar pikërisht në ditën që në Kosovë serbët kundërshtuan policinë në operacionin kundër kontrabandës së mallrave.
Një ditë më parë, pranë ambasadës shqiptare në Beograd një kalimtar ka hedhur një shashkë në oborrin godinës së diplomatëve shqiptarë. Fatmirësisht nuk janë regjistruar persona të lënduar.
Siç raporton ABC, në atë moment brenda në godinë ndodhej ambasadori Ilir Boçka dhe personeli i ambasadës.
Ditën e djeshme serbët e Veriut të Mitrovicës sulmuan zyrtarët doganorë të Kosovës, që ndodheshin në një aksion kundër kontrabandës.
Nga ana tjetër kjo ngjarje u regjistrua pas deklaratave të presidentit të Serbisë Aleksandër Vuçiç. Ai tha se NATO ka 24 orë kohë për të vepruar në të kundërt do të ndërhyjë ushtria serbe në Kosovë. Gjatë ditës së sotme, zyrtarisht NATO i dha të drejtë Kosovës për operacionin e kryer në territorin shqiptar kundër kontrabandës së mallrave.
