Ish kryeministri Sali Berisha ka reaguar pas deklaratave të ambasadores amerikane Yuri Kim kur tha se nuk takohet me persona të shpallur “non grata” duke iu referuar Berishës dhe theksoi sërish qëndrimin e saj se njeh Enkejeld Alibeajn në krye të PD.
Në fjalën e tij, Berisha nuk u kursye duke thënë se “ambasadorja që flet si guvernatorë”, ndërsa i ka bërë thirrje Kim që t’i kërkojë falje publike demokratëve për frazën “Mos hani bar që të votoni Sali Berishën”.
“Non grata do jetë vendimi i qeverisë së PD por Sorosin. Në rastin konkret, ambasadorja që flet si guvernatore, siç e keni parë, shkon në një super harmoni me elementë të diskredituar kombëtarisht dhe botërisht si Edi Rama, Taulant Balla etj. Këtu erdhi në një udhëtim sekretari Mike Pompeo. Ishte lënduese për reputacionin e miqësisë mes dy vendeve kur atë e pritën dy mafiozë të damkosur, Taulant Begojaris me Alket Hysenin. Unë mendoj se zonja ka përgjegjësi. Hysenin e kanë larguar nga partia si pjesë e mafias së pronave në Sarandë. Kjo e detyroi sekretarin që në njoftimin e tij t’u vërë vizë fare. Tha takova vetëm përfaqësues të opozitës iraniane. Përveç kësaj u bë e famshme ajo fraza e barit, Enver Hoxha u thoshte shqiptarëve, Enver Hoxha “bar do hamë dhe imperializmit amerikan nuk i dorëzohemi, ambasadorja u tha demokratëve “Mos hani bar dhe të votoni Sali Berishën”. Këtu i ka prishur marrëdhëniet me Sali Berishën. Pa kërkuar ndjesë publike ndaj demokratëve, nuk takohet ajo me Berishën”, tha Berisha.
Discussion about this post