Ky është Edi Reçi është 28-vjeçari, i cili u plagos me armë zjarri mbrëmjen e sotme në gjurin e djathtë në ”Perash” të Shkodrës.
Bëhet me dije se i plagosuri është paraqitur në spitalin rajonal të Shkodrës me një plagë në gjurin e djathtë, të shkaktuar nga arma e zjarrit.
Ka qenë urgjenca e Shkodrës që ka njoftuar policinë.
Ndërkohë në njoftimin e policisë thuhet se blutë sapo morën raportimet për të shtëna me armë zjarri, kanë shkuar menjëherë në vendngjarje.
Pas mbërritjes së policisë është rrethuar zona dhe janë ngritur pika kontrolli dhe vijon monitorimi i territorit për të bërë të mundur identifikimin dhe kapjen e autorit/ëve.
“Më datë 19.04.2022, rreth orës 22:00, në lagjen “Perash”, Shkodër, në rrethana ende të paqarta, është plagosur me armë zjarri në këmbë, shtetasi E. R., 28 vjeç, banues në lagjen “Partizani”, Shkodër, i cili ndodhet jashtë rrezikut për jetën. Shërbimet e Policisë me marrjen e njoftimit për të shtëna me armë zjarri, kanë shkuar menjëherë në vendngjarje, është rrethuar zona, janë ngritur pika kontrolli dhe vijon krehja e territorit për të bërë të mundur identifikimin dhe kapjen e autorit/ëve.”
Së fundmi, grupi hetimor ndodhet në vendngjarje dhe nën drejtimin e Prokurorisë, po punon për fiksimin e çdo prove të mundshme, që do ti shërbejë hetimit për zbardhjen e ngjarjes.
Discussion about this post