Vijon zjarri në fshatin Hoshtimë të bashkisë së Vlorës. I ndihmuar dhe nga era zjarri ka përparuar duke djegur bimësi dhe shkurre por dhe zonën e varrezave të fshatit kryesisht me qiparisa. Zjarri i madh ka djegur totalisht varrezat e zonës, ndërkohë që aktualisht është rrezik potencial për banesat.
Në këto kushte është kërkuar dhe ndihma e helikopterit i cili ka mbërritur duke hedhur ujë.
Aktualisht flakët po vijojnë dhe po shkojnë drejt fshatrave Bestrovë dhe Kërkovë, ndërkohë që kanë mbërritur dhe forcat e policisë por dhe banorët e fshatrave.
Në vendngjarje kanë mbërritur deri tani të paktën 9 mjete zjarrfikëse (4 nga Vlora, 1 nga Fieri, 1 nga Himara, 1 nga Berati, 1 nga Elbasani, 1 nga Pshalimani) helikopteri i Forcave të Armatosura, i cili po hedh ujë nga lart mbi flakët, si dhe Forcat e Ndërhyrjes së Shpejtë
gijotina.com/
Discussion about this post